Birinci Qarabağ müharibəsində itkin düşmüş hesab olunan Cavanşir Həsənov dəfn edilib.

Balaken.info xəbər verir ki, şəhidlə keçirilən vida mərasimindən sonra onun nəşinin qalıqları Balakənin Şəhidlər xiyabanında dəfn olunub.

Dəfn mərasimində Balakən Rayon İcra Hakimiyyətinin başçısı Natiq Ağayev, hüquq-mühafizə orqanlarının rəhbərləri, şəhid ailələri və ictimaiyyət nümayəndələri iştirak ediblər.

Qeyd edək ki, Cavanşir İsrafil oğlu Həsənov 1967-ci il aprelin 14-də Balakən rayonun Hənifə kəndində anadan olub. 1992-ci il iyunun 12-də Ağdərə rayonunun Sırxavənd kəndi istiqamətində gedən döyüşlər zamanı itkin düşüb.

Cavanşir Həsənov ailəli idi. İtkin düşməsindən sonra, 10 sentyabr 1992-ci ildə oğlu dünyaya gəlib və atasının xatirəsini yaşatmaq üçün ona Cavanşir adı verilib.

Allah şəhidlərimizə rəhmət eləsin!

Şahidi olduğunuz hadisələri çəkib bizə göndərin! 7/24 whatsapp